LEGAZPI CITY—Pighayag ni Former ACT Teachers Partylist Representative France Castro na gari suboot delaying tactics an haros ginibong objections kan defense team ni VP Sara sa saiyang impeachment trial sa Senado.
Segun ki Castro, sa intrevista kan Bombo Radyo Legazpi, na pighiling ninda na saro ining pag-delay nganing dae maipresentar an mga testigo kan prosecutor, asin sainda man na tinuyaw an kadakol na objections maski pa nag-pause sana sa pagtaram an prosekusyon.
Tinawan-doon kaini na kadaklan sa mga pag-object an wara na sa lugar asin dae na nakakatabang sa paglilitis.
Mientrastanto, naglalaom man si Castro na sa mga masunod na impeachment trial na magigin mas direkta, mas halipot asin masabutan kan publiko an mga pigtataram siring man na dae na magpaligoy-ligoy pa sa teknikalidad.
Mensahe kaini sa publiko na dapat hilingon kun ano pa an sunod na mga mangyayari sa paglilitis kaya dapat magin aktibo sa komunidad, pag-olayan ini asin digdi mahihiling an implikasyon kan impeachment trial sa buhay kan namamanwaan.
