Nagpalyar na makapag-uli nin medalya an world number 2 pole vaulter na si EJ Obiena sa Paris Olympics.
Natapos an kapanya ni Obiena sa Olympics kan makaduwang beses na dae nakalusot sa 5.95 meters.
Huli digdi, natapos sana siya sa ika-apat na pwesto asin dae na nakasungkit pa nin medalya.
Sa ibong kaiyan, dagsa man giraray an mga Pilipinong nagpapaabot nin pagbati asin pasasalamat sa dakulang honra na naiuli kan Pinoy pole vaulter para sa nasyun.
