LEGAZPI CITY — Bukas man an municipal councilor kan Guinobatan sa Albay na magkondusir nin revalidation sa iniluwas na narco-list kan Philippine Drug Enforcement Agency (PDEA) kun saen napasabay an opisyal.
Sa eksklusibong intrevista kan Bombo Radyo Legazpi ki Guinobatan Coun. Carlo Magno “Caloy” Flores, aminadong nabigla kan mabasa an pangaran na nakabugtak bilang sarong kagawad kan Barangay Iraya sa parehong banwaan.
Alagad klaripikasyon ni Flores, dae nunca man nagin barangay kagawad.
Poon kan 2011, rinibayan ni Flores an ama asin nare-elect kan taong 2013 asin kan 2016, nagin top 2 pa sa may pinadakol na boto para sa municipal councilor.
Nagtutubod man an opisyal na pulitika asin selos an rason kan pagkakasabay sa listahan.
Dugang pa kan opisyal na wara pa man na plano na maglunsar sa mas halangkaw na posisyon alagad pigrarautan na tulos.
Sinabi pa ni Flores na naapektaran an pamilya kaini sa bareta asin hagad man sa publiko na sinda na sana an maghusga huli sa bisto man ini kan nasasakupan.
