Padagos an paghalangkaw nin numero kan mga scam calls sa nacion basado sa report kan anti-scam app na Whoscall.
Huli digdi, pinatanidan kan Cybercrime Investigation and Coordinating Center an publiko na dae basta basta magpapaloko sa siring kaining modus.
Kung magigirumduman, naipasa na sa Pilipinas an SIM Registration Act kan 2022 na obhetong pugulan an manlain-laing klase nin scam.
Ini an sa ibong kan pagkontra kan pirang mga grupo asin eksperto sa pagtubod na an SIM card registration an magkakawsa sana nin personal data asin risk.
Piggiit pa kaini na dae ini magigin epektibo laban sa anumang klase nin fraud.
Basado sa datos, nangengenot pa man an text scams na may 648,239 scam messages na nairehistro sa enot na parte pa sana kan taong ini.
Mas hibaba man ini sa nairehistrong 1,143,268 scam messages sa parehong panahon kan nakalihis na taon.
Sa ibong kan pagbabang ini an naghalangkaw man an mga nairerehistrong scam calls sa 225.17% katampad kan 351,699 hale sa dating 108,157.
Pangapodan kan Cybercrime Investigation and Coordinating Center na hilingon nin maray kun ang mga call asin text messages an naghale sa lehitimong sources nganing dae mahulog sa patibong kan mga scammers.
