LEGAZPI CITY-Buminaba an numero kan mga Pilipinong ipigkokonsiderang tios kan taong 2025, susog sa Philippine Statistics Authority (PSA) kan Biyernes.
Segun sa PSA, an poverty incidence kaiba sa mga pamilya, nasa 6.4 porsyento o katumbas kan 1.9 milyong mga tios na pamilya kan 2025, poon sa 2.99 milyong pamilya kan 2023, basado sa pamantayan kan ahensya.
Dagdag pa kaini na ini an enot na pagkakataon na buminagsak an an poverty incidence sa mga pamilya sa nacion sa single-digit level.
Poon sa 17.54 milyong indibidwal kan taong 2023 na ipigkokonsiderang mga tios, nagbaba sa 11.08 milyon kan nakalihis na taon.
Huli digdi, an poverty incidence sa mga indibidwal, nasa 9.7 porsyento kan 2025 poon sa 15.5 porsyento taong 2023.
An mga ipigkokonsiderang tios, iyo an kita kan sarong indibidwal na dapat na mas hababa sa poverty threshold kan nacion, na nangangahulugan na bako ining igo nganing bakalon an pinakahababa na fundamental na pagkakan asin mga pangangaipo.
Para sa taong 2023, an average poverty threshold, nag-aabot sa P13,873 kada bulan para sa sarong pamilya na may limang miyembro.
Kan taong 2025, an numerong ini naglangkaw sa P14,634, na nangangahulugan na an mga pamilya na lampas sa kantidad na ini. dai na ipigkokonsiderang tios.
An pagbaba kan numero kan mga pobreng Pilipino, nangyari huli suboot sa mas marikas an paglangkaw kan ingreso kumpara sa presyo, orog na an gastos sa pagkakan, susog sa ahensya.
Sinabi kan PSA na an taunan na per capita poverty threshold, na mayormenteng apektado kan mga pagbabago sa presyo kan mga kakanon na kabali sa food bundle, naglangkaw nin 5.5 porsyento, mantang an average na taunan na kita per capita naglangkaw sa mas marikas na rikas na 22.0 porsyento sa parehong panahon.
Dagdag pa kan ahenysa na poon poon 2023 sagkod 2025, an median per capita income naglangkaw poon sa P85,291 sagkod P104,072.
