Puminakol na sa labi 1,143 na pamilya an napag-aramang apektado kan pagtuga kan Bulkan Mayon, base sa monitoring kan Department of Social Welfare and Development (DSWD).
Ini an katampad kan 4,139 katawo gikan sa 13 pangenot na apektadong barangay.
Segun sa ahensya, nasa kabilugang 1,128 pamilya an nasa laog ngonian kan binuksan na mga evacuation centers mantang 15 pamilya an nagpili na temporaryong mag-istar sa saindang mga kaparyentes asin kabisto.
Naghatod man nin labi sa P6 million na ayuda an ahensya mantang labi sa P3.1 bilyon na kantidad nin relief supplies an mantinidong available para sa mga biktima nin kalamidad.
Sa ibong kan padagos na pag-alburuto kan Bulkan Mayon, wara pa nin na-identipikar na mga harong na naraot o nadestroso.
Padagos man an paghahanda kan DSWD sa posibilidad na madagdagan pa an bilang kan mga apektado asin i-ebakwar na pamilya, mantang padagos an mga aktibidades kan nasabing bulkan.
.){kind=link}