Isinakat na kan mga otoridad sa Nepal sa 72 indibidwal an numero kan mga nagadan sa nangyaring kariribokan kan nakaaging semana, mantang an mga search team an nadukayan an mga lawas gikan sa mga opisina kan gobyerno, mga kaharongan asin iba pang mga edificio na nasulo durante kan mga protesta kontra sa katiwalian, segun sa report kan Health Ministry.
Sa deadliest outbreak kan pampulitikang karahasan sa Nepal sa laog kan pirang dekada, kadaklan sa mga kajovenesang Nepali an nagpasiring sa mga tinampo sa sentro kan lugar asin iba pang ciudad na nagbusol ki Prime Minister K.P. Sharma Oli na magbutas sa saiyang pwesto.
An security forces an nagpaluwas nin tear gas asin rubber bullets nganing ikalat an mga nagprotesta, kun saen nagkapira sainda an sinulo an mga state buildings, kaiba an Korte Suprema, parliyamento, police posts, kaharongan kan mga politiko asin mga pribadong negosyo.
Basado man sa pinakahuring datos, dae mababa sa 2,113 katawo an nairido sa nangyaring protesta.
Mientrastanto, rinibayan kan dating Former Chief Justice Sushila Karki si Oli bilang interim prime minister, na nagin enot na babae na namayo sa Nepal asin ipigsugo na magkaigwa nin parliamentary election sa Marso 5.
