Uminabot na sa 12 an kumpirmadong numero kan mga nagadan sa malagim na aksidenteng nangyari sa Subic-Clark-Tarlac Expressway (SCTEX) toll plaza sa Tarlac City.
Segun kay Tarlac City Police Station chief Police Lieutenant Colonel Romel Santos, anom sa mga nagadan an mga menor de edad, mantang padagos pa mang nagpaparahay an 27 katawo na nalugadan sa nasabing karambola.
Magigirumdumang nangyari an aksidente bandang 12:30 udto kasuhapon, May 1, mantang nakapundo an pirang behikulo sa northbound toll plaza kan SCTEX kun saen aksidenteng binangga kan sarong pampasaherong bus an sarong SUV.
Tuloy-tuloy man ining buminangga sa iba pang nakalinyang behikulo huli sa kusog kan impact.
Sa presente an nasa kostudiya na kan pulisya an driver kan bus.
Segun kay Col. Santos, tinuga man suboot kan tsuper na naka-idlip siya bago an nangyaring karambola.
Mahahampang an nasabing driver sa kasong reckless imprudence resulting in multiple homicide, multiple physical injuries and damage to property.
Enot na mang ipigsugo kan Department of Transportation (DOTr) an suspensyon sa operasyon kan Solid North Bus Transit Inc., an bus operator na imbwelto sa insidente.
 toll plaza in Tarlac City has risen to 12.){kind=link}