Nagsagibo nin panibagong opensiba an Israel sa Gaza, na nagresulta sa pagkagadan nin labi 100 katawo sa laog sana nin sarong aldaw.
Tinarget kan mga airstrike an manlain-laing parte kan Gaza Strip, kabale an mga residential area, na nagkawsa nin mahiwasang danyos asin pagkaraot kan mga estruktura.
Segun sa mga lokal rescuer, kabale sa mga nagadan an mga kababaihan asin joven, mantang padagos an paghahanap sa mga nawawara sa irarom kan mga debree.
An nasabing opensiba an parte kan “Operation Gideon’s Chariots” na obhetong durugon an Hamas asin palayaon an mga bihag.
Mientrastanto, mantinidong limitado an paglaog kan humanitarian aid sa Gaza, na nagpapalala sa krisis na pigkakahampang kan mga sibilyan.
