Padagos na naghehewas an sakop kan African Swine Fever (ASF) sa nacion makalihis kumpirmaron kan Department of Agriculture (DA) na umabot na sa 92 barangay ang tinamaan kan nasabing helang sa mga urig.
Segun ki DA Assistant Secretary Arnel de Mesa, ang paglangkaw kan numero an kawsa kan padagos na paglakop kan virus sa mga lugar na may aktibong kaso, siring man an mga bagong kasong nairehstro sa pirang mga rehiyon.
Padagos na nakkipagtabangan an ahensya sa mga lokal na gobierno nganing masubaybayan asin mapugulan an paglaog kan mga apektadong urig.
Ipigpaotob kan ahensya an mahigot na quarantine checkpoints asin an pagbabawal sa sa pag-transport kan mga buhay na urig, karneng warang bastanteng dokumento, asin mga produktong urig hale sa mga red zone pasiring sa mga ligtas na lugar.
Inabisuhan man an hog raisers na mahigot na ipaotob an biosecurity measures sa saindang mga mga kulungan, siring kan regular na disinfection asin pagbabawal sa paglaog kan mga bako awtorisadong tawo.
Presenteng nagpapaotob an DA nin targeted culling o paggadan sa mga urig sa laog kan one-kilometer radius hale sa apektadong omahan nganing dae na kumalat pa ang virus.
Nangapudan man an gobierno sa publiko asin sa mga nag-uurig na tulos na i-report sa saindang munisipyo o opisina kan agrikultura kung may nanutarang kakaibang sintomas o biglang paglagadan kan mga atamang urig.
