LEGAZPI CITY — Commitment order na sana an pighahalat kan pulisya ngane maiturn-over na sa Provincial Jail ng Albay an saindang nadakop na most wanted person.
Naarestar kan Tiwi Municpal Police sa pangengenot ni S/Insp. Jan King Calipay an ikalima sa most wanted list kan banwaan kan Tiwi na binistong si Ruel Capuz, 20 anyos asin residente kan Sitio Ibong Barangay Cale sa nasabing banwaan.
Nahahampang an suspek sa kasong panlulugos na kakabit an pagkakulong nin haros 20 taon.
Naisagibo an operasyon makalihis na ibaba sa sala ni Judge Alben Rabe kan Regional Trial Court Branch 16 sa Tabaco City an mandamiento de aresto laban sa suspek.
Nadakop si Capuz sa Barangay Tigbi kan parehong banwaan asin nakakulong na ngunyan sa karsel kan Tiwi Municipal Police Station.
