LEGAZPI CITY —Dakop kan mga otoridad an sarong wanted person sa isinagibong operasyon kan Donsol Municipal Police sa Paranaque City.
An nasabing suspek na si Jonathan Arellano, 41 anyos na residente kan Brgy. Gimagaan sa banwaan kan Dondol, Sorsogon an naarestar sa Doña Solidad Avenue, Paranaque City.
Nahahampang si Arellano sa kasong panlulugos o Sexual Assault na warang rekomendadong piansa.
Ini man an ipigkokonsiderar na ika-duwa sa most wanted person sa Donsol.
Sa ngonian, nasa kustodiya na ini kan hepatura kan pulisya sa banwaan ngane kahampangon an magkakanigong kaso.
