LEGAZPI CITY — Bagsak sa karsel an rank number 1 sa listahan kan Municipal Most Wanted Person sa isinagibong operasyon kan kapulisan sa banwaan kan Libon, Albay.
Binisto an naarestar na si Rogelio Bagasala, 59 anyos, sarong paraoma asin residente kan Brgy. Marayag kan nasabing lugar.
Segun ki Pol. C/Insp. Diome Cardano hepe kan Libon PNP, haloy na suboot na pinagmamanmanan an suspek na pinagsasabing pabalik balik sana saindang residensya hasta sa makaresibe nin report an kapulisan na nagresulta sa positibong pagkaarestar kan suspek.
Napag-araman na pigkakahampang kan suspek an 3 counts nin kasong rape na wara nin ipigrekomendar na piyansa.
Sa ngonian, ipig-turn over na si Bagasala sa Bureau of Jail Management and Penology (BJMP) para magkakanigong disposisyon.
