LEGAZPI CITY — Arestado kan personahes kan Mandaon Municipal Police Station an pigkokonsiderar na numero unong most wanted person sa nasabing banwaan sa probinsya kan Masbate.
Base sa ipinaabot na impormasyon, naenot ng nagsurendir an suspek na si Edilberto Asis alyas Rodel na residente kan Barangay Poblacion kan nasambit na banwaan.
Nasakote kan mga pulis an suspek sa ipigkondusir nindang motorcycle patrol sa lugar kun saen nakumpiska digdi an nagkapirang sachet kan pigtutubudang shabu, manlaen-laen na drug paraphernalia, kwarta na nagkakantidad nin otso mil de pesos, sarong motorsiklo na warang plate number asin duwang bala para sa kalibre 45 badil.
Sa ngunyan, paramientras na nakakulong an suspetsado sa hepatura kan Mandaon MPS mantang pighahanda na an kasong pagbalgar sa Republic Act 9165 o Comprehensive Dangerous Drugs Act of 2002 asin Republic Act 10591 o an Comprehensive Firearms and Ammunition Regulation Act na isasangat sa suspek.
