Nag-abot na sa South Korea an sarong nuclear-powered US aircraft carrier para sa saorng three-way exercise kaibanan an Japan ngani na pakusugon an saindang military training sa tahaw kan huma kan North Korea kun sain mas nagkusog kasunod kan sarong kasunduan sa seguridad sa Russia.
An pag-abot kan USS Theodore Roosevelt strike group sa Busan an nag-abot sarong aldaw makalihis na ipaapod kan South Korea an Russian ambassador ngani na iprotesta an sarong dakulang kasunduan sa pagultangan kan Russian President na si Vladimir Putin asin North Korean leader Kim Jong Un.
Sarong promesa nin tabang an nasabing kasunduan ngani na depensaran an lambang saro en kasong magkaigwa ni giyera.
Kasunod kan pag-oolay sa pagultangan kan nga defense chiefs sa Singapore kan enot na parte kan Hunyo, inanunsyo kan United States, South Korea asin Japan an Freedom Edge drills.
Mapartisipar an Roosevelt strike group sa sarong pag-eensayo na piglalaomang mapuon ngonya na Hunyo. Dae man kinumpirmar kan militar kan South Korea an detalye kan pag-eensayo.
