LEGAZPI CITY — Patapos na an piggigibong tinampo na pasiring sa Barangay San Roque asin Barangay Sabang sa ciudad kan Legazpi o an North Legazpi Boulevard.
Oras na matapos ini, posibleng mapunan naman sa masunod na taon an pag-construir nin bagong tulay sa Barangay Rawis.
Sa intrevista kan Bombo Radyo Legazpi ki Mayor Noel Rosal, aabuton nin saro asin may kabangang taon an pag-construir kan tulay na matatapos sa 2019 na tinagamahan nin pondo na poco mas o menos P250 million.
Segun ki Rosal, gabos na namamanwa an mabenepisyo kan proyekto urog na sa pag-abot kan panahon na maging labi an congestion kan trapiko.
Kaipuhan kaya suboot na paghandaan an pagbubukas kan mga mall, hotel, call center companies asin iba pa na dae sana makrear nin trabaho kundi madugang man sa pagdakol nin mga behikulo sa ciudad.