Nagpakawala an North Korea nin ballistic missile antes an taunang joint military drills kan Estados Unidos asin South Korea na bisto bilang Ulchi Freedom Shield, na madurar nin 11 aldaw puon sa Lunes, Agosto 17 hasta 27.
Ini an ika-duwang ballistic missile test kan nasabing nacion sa laog sana nin sarong semana, na nagpapahiling nin protesta kontra sa military drills na sa saindang pananaw an sarong training para sa invasion o pagsalakay.
Segun sa Joint Chiefs of Staff kan South Korea, pinaputok an ballistic missile hali sa eastern coastal Wonsan Area pasiring sa East Sea na bisto man sa apod na Sea of Japan na uminabot nin labi sa 700 kilometers.
Preparado man an lado kan South Korea sa pakikipag koordinar sa Amerika ngani na pugulan an anuman na pobokasyon kan North Korea.
Inenganayr man kan presidential national security council kan Seoul an Pyongyang na ipundo an paglalansar nin ballistic missiles, na inapod kaining sarong lakdang nin probokasyon na nagbabayolar sa mga resolusyon kan United Nations Security Council.
