Nag-abot na sa China si North Korea leader Kim Jong Un.
Kaiba kaini an anak na babae na si Kim Jue Ae na siyang pigsasabing mapalit saiya sa puwesto.
Nasa China si Kim nganing mag-atendir sa Victory Day parade sa pang-80 taon kan pagtatapos kan Word War 2.
Makakasabay kaini na ma-atendir an pirang world leaders arug ninda Russian President Vladimir Putin, mga lider kan Iran, Myanmar, Cuba asin kadakol pang iba.
Sakay kan saiyang bullet-proof train na sinabat siya ni Chinese Foreign Minister Wang Yi.
Huring nagbisita si Kim kan 2019 kasabay kan ika-70 anibersaryo kan diplomatic ties kan duwang nacion.
