Kinumpirmar kan North Korea sa enot na bes na nagpadara ini nin mga suldados sa Russia bilang suporta sa giyera sa Ukraine.
Segun sa Central Military Commission kan ruling Worker’s Party na nagdesisyon si North Korean leader Kim Jong-un na magpadara kan saindang combat troops sa Russia sa irarom kan saindang mutual defense treaty.
Basado suboot sa North Korean leader na obheto kan pagpapadara kan saindang mga suldados na mapuksa an neo-Nazi occupiers sa
Ukraine asin mapalaya ang Kursk region sa pakikipagtabangan sa Russian armed forces.
Inapod man bilang mga heroe an nasabing mga suldados na suboot nakikipaglaban para sa hustisya.
Marurumduman na kan Marso, pighayag kan South Korean military na nagpadara an North Korea nin dugang na 3,000 na mga suldado sa Russia sa enot na parte kan 2025 makalihis i-deploy an saindang mga suldados sa Russian-Ukraine fronts kun sain dakol sa mga ini an nagadan.
Basado sa Joint Chiefs kan South Korea na pigkakarkulong nasa 4,000 na mga suldados kan North Korea an nagadan o nairido.
