LEGAZPI CITY — Karsel an bagsak kan sarong wanted person makalihis na maaresto kan mga kapulisan sa banwaan kan Pilar, Sorsogon.
Nabisto ini na si Pedro Rebosora Barcenas, 52-anyos asin residente kan Barangay San Rafael sa nasambitan na banwaan.
Segun ki Police Chief Inspector Ruel Pedor, hepe kan Pilar Municipal Police Station, naarestar an suspek sa bisa kan mandamiento de aresto na ipinaluwas ni Hon. Bernardo Jimenez Jr. kan RTC branch 51, Sorsogon City.
Si Rebosora an nahahampang sa kasong panlulugos na warang pinagrerekomendar na piyansa.
Mientrastanto, napag-araman na an nasambitan na suspetsado an pang anom sa municipal most wanted person sa banwaan kan Pilar.
