LEGAZPI CITY – Arestado an saro sa municipal most wanted persons sa operasyon kan pulisya sa banwaan kan Milagros probinsya kan Masbate.
Dakop an paraomang si Benaldo Nuevo, 62 anyos, na residente kan Barangay Nasunduan, banwaan kan Mobo.
Napag-aramang ika-3 si Nuevo sa Mobo Municipal Drug Watchlist kun saen pigkakahampang kaini an kasong rape.
Sa pinagsarong pwersa kan Milagros Municipal Police Station asin Mobo Municipal Police Station sa pangengenotan ninda PO3 Rey Andaya asin PO3 Rene Ojeda, naarestar an suspek sa Sitio Acid-acid, Barangay Jamorawon, Milagros.
Sa presente, nasa kustodiya na an nasabing suspek kan mga otoridad para sa tamang disposisyon.
