LEGAZPI CITY – Naghahanda na ngonyan an mga National Irrigation Administration sa Albay sa pig-aandamang epekto kan La Niña.
Sa intrevista kan Bombo Radyo Legazpi ki Bernadeth Balingasa, Operation Section Head kan National Irrigation Albay Provincial Office, sierto na mas matindi an epekto kan tag-uran sa mga pananom kumparar sa El Niño.
Huli digdi, pigpapakaray na an mga irrigation facility sa manlain-lain na parte kan provincia.
Alagad dawa regular na proyekto an pag-repair kan mga irrigation facility, kaipuhan man giraray siertuhon na pakaray an gabos.
Ini ngani na mabawasan an epekto kan tag-uran sa mga pananom.
Inako man ni Balingasa na bako sana an matinding tag-uan an pinaghahandaan kan opisina kundi an mga maabot pang kalamidad siring kan bagyo.
