LEGAZPI CITY- Aminado an National Food Authority (NFA) na nagkaigwa nin pagtaas sa presyo kan commercial rice sa Bicol katakod kan diit na suplay kan NFA rice sa rehiyon.
Sa intrevista kan Bombo Radyo Legazpi ki NFA Bicol spokesperson Lilibeth Jacob, nasa P2 hasta P5 suboot an ipigsakat kan presyo kan nasabing klase nin bagas mientras wara man maginibong konkretong aksyon digdi an opisina.
Paliwanag ni Jacob na warang regulatory function an NFA pag-abot sa mga commercial rice asin pakiolay sana sa mga negosyante o traders an magiginibo tangarig na dae magtake advantage sa sitwasyon.
Susog man sa ipigmamandato kan Presidential Decree No. 10278 na ibinaba sa peryodo ni dating Presidente Ferdinand Marcos, an gobernador kan provincia an nagkakapot kan poder sa pagmonitor kan regulasyon sa commercial rice urog na sa tahaw kan mga kalamidad.
Mientras tanto, napag-araman ki Jacob na nasa proseso na an lakdang sa nasabing sitwasyon kun saen nagkaigwa nin pag-oolay an regional economist sa National Economic and Development Authority (NEDA) kaibanan an mga miembro kan price monitoring committee kan Albay.
