LEGAZPI CITY- Inasegurar kan National Food Authority (NFA) Bicol na salbadong kaunon an 177,000 bags kan imported rice haleng Thailand na isinairarom sa fumigation process sa Albay.
Bilang patotoo digdi, sabay-sabay pang nagkaon kan bagong sapnang an mga opisyales kan NFA Bicol kaibanan an mga miembro kan local media sa rehiyon.
Pag-eksplikar pa ni NFA Bicol Director Henry Tristeza sa intrevista kan Bombo Radyo Legazpi na afuera sa pagsairarom sa palatability asin sensory test, sertipikado naman ining klarado na sa peste susog sa inisyung quarantine certification kan Bureau of Plant Industry asin international surveyors.
Dawa pa suboot binukbok asin kinaganan nin preservatives an bagas, mantenido an malagom na namit kapag naluto na kaya nakasibe nin “good rating” hale sa mga NFA officials.
Mientras tanto, piglalaomang maididiskarga naman an 164, 000 bags kan bagas na nag-abot kan weekend na susundan kan unloading kan 177, 000 bags en kaso magrahay na an panahon.
Nakatalaan man na mag-abot sa Setyembre 5 an dugang pang alokasyon na 236, 000 rice bags.
