LEGAZPI CITY — (Update) Nakatalaan man na magnamit an National Food Authority (NFA) central office kan imported rice na haleng Thailand na kasabay kan 177,000 rice bags na isinairarom sa fumigation process huli sa nahiling na mga insekto.
Ini makalihis an sabay-sabay na pagkaon kan mga opisyales kan NFA Bicol kan nasabing bagas sa isinagibong palatability test kasuodma tangarig na maprobaran na salbado ini sa pagkonsumo dawa isinairarom sa nasabing treatment.
Sa intrevista kan Bombo Radyo Legazpi ki NFA Bicol Director Henry Tristeza, dadarahon an tulong kilong bagas sa Manila ngonian na aldaw bilang sample kasabay kan pagpapaapod sainda kan central office.
Katakod kaini, nagpahayag man nin pag-uyon si Tristeza sa sinabi ni Agriculture Secretarty Emmanuel Piñol na matana man kan “bukbok rice” urog na wara man lason an mga preservatives asin nag-otob man sa international food standards an treatment.
Kasuodma kan maresibe man kan NFA Bicol an quarantine certificate hale sa Bureau of Plant Industry asin international surveyors mantang pighahalat an pagrahay kan panahon tangarig na maipadagos an pagdiskarga kan mga bagas.
