Iprinisintar kan prosecution team kan International Criminal Court (ICC) an mga video asin dokumento nganing patunayan na an tataramon na neutralization sa irarom kan war on drugs kan nakaaging administrasyon an direktang nagtutukoy sa paggadan.
Durante kan hearing, pigpresentar ni ICC Trial Lawyer Edward Jeremy bilang ebidensya an pig-aapod na Duterte list.
Pigtaram niya digdi na sinda dating Mayor Rolando Espinosa asin Mayor Reynaldo Parojinog na parehong namarkahang neutralized sa mismong aldaw na sinda an ginadan.
Apwera kaini, nagpresentar man nin chart an prosecution kun sain ipig-orgolyo suboot ni dating Presidente Rodrigo Duterte an pag-ekis kan ladawan ni Espinosa makalihis ining magadan.
Nganing mas mapakusog an kaso, nagpaluwas si Jeremy nin mga video kan dating presidente.
Kabale digdi an suboot pag-amin ni Duterte na an solamenteng abilidad niya iyo an extrajudicial killings, siring man an video kun sain pigselebrar niya an pagkagadan kan 32 indibidwal sa sarong operasyon sa Bulacan.
Segun sa prosecution, supisyente na an iprinesentar na ebidensya nganing patunayan na parte kan systematic attack sa mga sibilyan an mga paggadan asin pormal na state policy.
 presented videos and documents to prove that the word neutralization under the war on drugs of the previous administration directly led to the killing.){kind=link}