LEGAZPI CITY – Nasa stable na an kamugtakan sa Nepal makalihis an magkakasunod na hiro protesta kan mga namamanwaan kaini makalihis an mahiwasang korapsyon.
Segun ki Bombo International News Correspondent Vanessa Villegas sa intrevista kan Bombo Radyo Legazpi na sa presente an Nepali Army muna an nagkakapot kan gobierno alagad may mga ipiglatag nang lakdang an gen-z movement para sa interim government.
Pinili suboot kan mga ini sinda former Nepal chief justice Sushila Karki asin Kathmandu mayor Balendra Shah na pwedesir magserbi bilang Nepali interim prime minister.
Nagbugtak na man nin ordinansa an Nepali Army kun sain pwedesir magbakal an publiko nin saindang mga pangangaipuhanan mantang an mga natatadang oras an may ipapapa-otob na curfew asin wala-toong checkpoints.
Pigtaram pa kaini na sa presente an nagtetenir na work from home an saindang trabaho asin nagtetenir na suspendido an klase huli sa mga hiro protesta.
Harani lang suboot sa saindang pigteteniran an nagkapirang mga eskwelahan na sinulo kan mga ralihista mantang uminabot na sa 30 harong kan mga Nepali Politician an nasulo pati an iba pang government offices kun kaya kinakaipuhan na magpoon sa poon kan gobierno huli sa ginibong pagsusulo.
Pigsususpetyahan kan mga gen-z na pigtatakpan kan sarong government owned media organization an ibang politiko kun kaya dae nakaligtas an ofisina kaini sa mga pigraot kan mga protesters.
Pagdoon pa ni Villegas na igwa an mga ralihista kan pig-aapod na “hitlist” kun sain nakalista an mga rarauton nindang edepisyo kan gobierno asin harong kan mga politiko siring man an harong kan saindang mga kamag-anak.
