LEGAZPI CITY — Nasa 5 big-ticket projects sa rehiyong Bicol an parte kan 55 flagship projects na obhetong makumpleto kan National Economic and Development Authority (NEDA) sa taong 2022.
Kasabay sa mga proyektong ini an Camarines Sur-Catanduanes Friendship Bridge, Pasacao-Balatan Tourism Coastal Development Program, Camarines Sur Expressway, Luzon-Samar Link Bridge, asin an Sustainable Bicol River Development Program.
An mga proyektong ini kasabay an 50 iba pa an madara nin pinagsarabay na kantidad na pupondohan kan administrasyong Duterte sa imprastraktura na maabot sa haros P9 tillion.
Segun man ki NEDA Secretary Ernesto Pernia, piglalaoman mang makrear nin mga trabaho an nasabing mga proyekto asin makakatabang sa pagtugdok nin mga negosyo.
