Bilang pagsunod sa kasuguan ni Presidente Ferdinand Marcos Jr. na siertohon an malalaoman na suplay nin kuryente sa mga eskwelahan urog na sa nmga liblib na lugar, igwa nang inilargang lakdang an National Electrification Administration (NEA) nganing magpadagos an suplay kan kuryente sa gabos na pampublikong eskwelahan sa nacion.
Sinabi ni NEA Administrator Antonio Almeda na sa paagi kan saindang koordinasyon sa Department of Education, gwa sindang itinatag na Digital Dashboard Command Center na magmo-monitor sa operasyon kan gabos kan electric cooperatives sa nacion na nagtataong suplay nin kuryente sa gabos nin lugar sa Pilipinas.
An mga eskwelahan an pigkonsiderang critical service area kaya an mga ini an prayoridad kan mga electric cooperative nganing masierto an maayos na supply kan kuryente sa mga eskwelahan asin dae madificilan an mga estudyante.
Sinabi ni Almeda na sa ngunyan an wara sindang nahihilng na dakulang ulang na pwedesir makadiskaril sa supply kan kuryente sa mga eskwelahan maski pa nakakaksperyensya nin Yellow Alert ang Visayas area.
Sienerto kan NEA Administrator na nakaantabay an gabos kan electric cooperatives nganing siertohon an padagos na pagsuplay nin kuryente sa mga pampublikong eskwelahan puon ngunyan na ereskwelahan.
