LEGAZPI CITY-Kinondena kan National Council on Disability Affairs (NCDA) an discriminatory remark sa episode kan ‘Machong Chismisan’ mapadapit sa grupo kan mga my kapansanan.
Segun sa sainda, an paggibo nin content na kun sain piggigibong katatawanan asin an pag-tumak sa dignidad kan mga may kapansanan an minakompuesto nin sarong hayagang diskriminasyon.
Nangapudan man an National Council on Disability Affairs sa publiko na magin sensitibo, magpahiling nin pag-respeto sa mga tawong igwang kapansanan o sa mga (PWDs), asin magin responsible sa gabos na digital na platforms asin online na mga interaksiyon.
Kasunod ini kan sarong segment gikan sa ‘Machong Chismisan’ podcast—pig-sentro suboot an mga may kapansanan partikular na an Autism spectrum, asin ginibong malisyoso asin igwang nakakainsultong komento.
Pigdoon kan ahensya, maski deleted na an episode, nagtetenir na nakababastos ini asin bako katanggap-tanggap sa ano man na porma.
Dagdag pa kaini na an Republic Act No. 7277 o an Magna Carta for Persons with Disabilities, bisto bilang pagtatao nin kaparehong respeto asin dignidad sa kada indibidwal na dapat pigsasagibo sa komunidad, magin sa digital spaces.
