Ipigrekomenda kan National Bureau of Investigation (NBI) an pagsusunad nin reklamong inciting to sedition asin grave threat laban ki Vice President Sara Duterte huli sa suboot paghuma kaini ki Presidente Ferdinand Marcos Jr., First Lady Liza Araneta-Marcos, asin House Speaker Martin Romualdez.
Pormal nang isinumiter kan nakalihis na aldaw sa opisina ni DOJ Prosecutor General Richard Fadullon an reklamo na inirekomenda kan limang abogado kan NBI sa pangengenot ni Director Jaime Santiago.
Nagpuon an kaso kan ihayag ni Duterte sa sarong zoom conference na yaon sa nagkapirang social media platforms na en kaso magtrayumpo suboot an balak laban saiya—nagsugo na siya nin tawong magadan ki Presidente Marcos, First Lady Liza asin Romualdez.
Kun saen kinalaunan pigklaro ni Duterte na an saiyang statement bako sarong huma.
Sa ibong man kan pangapudan kan NBI ki Duterte para sa imbestigasyon, nagpalyar ining magpahiling asin imbes nagpadara nin liham sa saiyang abogado.
Mientrastanto, dae naman suboot ikinakigkig ni VP Sara an rekomendasyon kan NBI na sunadan siya nin mga kasong kriminal.
 recommends filing of complaint of inciting to sedition and grave threat against Vice President Sara Duterte.){kind=link}