Nakatalaang ihampang kan House prosecution panel ang masunod kaining testigo ngunyan na aldaw para sa pagpapadagos kan impeachment trial laban kay Vice President Sara Duterte katakod kan ng imbestigasyon ng National Bureau of Investigation (NBI) sa suboot patanid laban sa buhay ni Presidente Ferdinand Marcos Jr., First Lady Liza Araneta-Marcos, asin dating House Speaker Martin Romualdez.
Segun ki House prosecution spokesperson asin Lanao del Sur Rep. Zia Alonto Adiong, nakatakdang tumestigo si Atty. Jeremy Lotoc, regional director kan NBI-Bangsamoro Autonomous Region in Muslim Mindanao (BARMM).
Sinabi ni Adiong na matao si Lotoc nin resulta kan isinagibong imbestigasyon kan NBI mapadait sa nasabing insidente.
An testimonya ni Lotoc an piglalaomang magpapadagos sa naenot na paghampang ni NBI Senior Agent John Mark Calilung, na nagpatunay sa pagiging awtentiko kan mga video asin digital files katakod kan pahayag ni Duterte kan Nobyembre 23, 2024.
Sa nasabing video, inireport na sinabi kan Bise Presidente na igwa siyang kinontratang persona nganing gadanon si Presidente Ferdinand Marcos Jr., First Lady Liza Araneta-Marcos, asin dating House Speaker Martin Romualdez en kaso sya an magadan.
Segun ki Adiong, si Lotoc ang maglalahad kan resulta kan imbestigasyon kan NBI mapadapit sa suboot huma. Alagad nagsayuma siyang magtao nin kadugangang detalye huli sa umiiral na sub judice rule.
Ipinaubaya naman kan House prosecution panel sa Senado an pagdangog kan testimonya ni Lotoc bilang parte kan pagpapadagos kan presentasyon ng ebidensiya laban kay VP Duterte.
Nakasentro an impeachment case sa suboot grave threats na iniuugnay sa sa pahayag kan Bise Presidente sa sarong online press briefing kan Nobyembre 23, 2024.
