NBI, nanindugang nasa Pilipinas pa an puganteng si Charlie ‘Atong’ Ang

Nanindugan an National Bureau of Investigation na yaon pa sa laog kan nasyon an pugante asin negosyanteng si Charlie “Atong” Ang.

Sa intrevista ki Atty. Angelito Magno, acting director kan ofisina, pigheras kaini na nagtutubod sinda na yaon sa Pilipinas an pugante.

Padagos suboot an ‘manhunt operations’ kan ahensya sa paghanap asin pagdeterminar kan lokasyon ni Atong Ang na sa ngonian dae pa nahihiling.

Dugang pa kaini, nakikipag-ulay man sinda sa manlaen-laen na embahada enkaso igwa nin impormasyon na nagpapahiling na naghale na ini sa Pilipinas.

Alagad huli sa kawaran nin opisyal na pahayag gikan sa Department of Foreign Affairs asin Bureau of Immigration, nanindugan ini na posibleng yaon pa sa Pilipinas an puganteng si Atong Ang.

Mientrastanto, pigsierto kaini na piggigibo kan ahensya an gabos na makakaya nganing maresolberan an suboot ‘manhunt operations’.

Pighihiling suboot kan National Bureau of Investigation an mga impormasyon na naresibe dapit sa kinamumugtakan o pigtatagoan kan pugante.

Katakod kaini, mahigot na pinahimutikan kan nasabing director an suboot koneksyon kan nagkapirang staff members ki Atong Ang.

Pinahimutikan niya an isyu kan suboot pagporbar na suholan sinda asin sinabi kaini na wara nin siring na relasyon na nangyari.

An negosyanteng si Charlie ‘Atong’ Ang an pig-isyuhan nin mandamiento de aresto kan Regional Trial Courts kan Lipa, Batangas asin Sta. Cruz, Laguna.

Nahahampang ini sa kasong ‘kidnapping with homicide’ asin ‘kidnapping with serious illegal detention’ na may kinaaraman sa pagkawara kan mga sabungero.