Inarestar na kan National Bureau of Investigation (NBI) ang contractor na si Sarah Discaya huli sa kasong kurapsyon asin malversation of funds hale sa P96.5-milyon flood control project sa Davao Occidental.
Kinuwaan ini nin fingerprints asin nag-agi sa medical examination makalihis na isirbi kan NBI an saiyang warrant of arrest.
Dadarahon si Discaya sa NBI Jail facility sa Muntinlupa City.
Enot nang boluntad na nagpasiring sa NBI si Discaya huli sa piglalaoman niyang pagluwas nin warrant of arrest kan nakaaging semana alagad naghali man ini kan Miyerkules.
Siring man na nakaluwas na ang warrant of arrest kasoodmang Huwebes.
Isinunad kan Office of the Ombudsman an kaso Digos Regional Trial Court asin inilipat ini sa Lapu-Lapu Regional Trial Court.
