Nagpromesa si National Bureau of Investigation (NBI) Director Melvin Matibag na maatendir ini sa impeachment hearing kan House Justice Committee laban ki Vice President Sara Duterte na nakatalaan sa maabot na Abril 14.
Enot na pig-imbitaran kan komite an nasabing opisyal, asin dae naghaloy an pina-subpoena man an mga records kan imbestigasyon na may kinaaraman sa mga suboot pananakot ni VP Sara ki Presidente Ferdinand Marcos Jr., First Lady Liza Araneta-Marcos, asin dating House Speaker Martin Romualdez.
Segun ki Matibag, preparado siyang isumiter sa House Committee on Justice an gabos na pighahagad na mga dokumento, kabale na an certified true copies kan mga record kan imbestigasyon.
Basado sa naenot na report kan NBI, ipigrekomendar kan ahensya sa Department of Justice na kasuhan nin grave threats asin inciting to sedition si VP Sara.
An imbestigasyon an nagpoon sa panahon kan pamamayo ni dating Judge Jaime Santiago bilang NBI chief, antes dagos na nagtukaw si Matibag.
Afuera ki Matibag, limang iba pa suboot an ipinaapod kan House panel nganing makuwaan nin salaysay.
Kabale digdi an saro sa defense counsel ni VP na si Atty. Michael Poa.
 Director Melvin Matibag promised to attend the impeachment hearing of the House Justice Committee against Vice President Sara Duterte scheduled for April 14.){kind=link}