Tinawan duon ni National Bureau of Investigation (NBI) Director Melvin Matibag na warang nagsugo saiya ngani na imbestigaran an suboot human trafficking plot kontra ki Executive Secretary Ralph Recto.
Ini an kasimbagan kan NBI chief makalihis taramon ni Batangas Representative Leandro Leviste na nagsusunod sana ini sa kasuguan.
Alagad nanindugan si Matibag kan saiyang commitment sa ley asin sa mandato kan NBI.
Wara suboot na personal na koneksyon an makakapugol sa ahensya ngani na imbestigaran an planong frame-up sa Cabinet official.
Enot ng pinangaranan kan duwang testigo sinda Leviste asin dating Congressman Jacinto Paras sa pagbilog nin istorya o pag-frame up ki Recto ngani na i-imbwelto sa kaso nin human trafficking.
Sa presente nagtitipon pa nin ebidensya an mga imbestigador katakod kan nasabing alegasyon.
Segun ki Matibag na an solamenteng kapot ninda ngunyan iyo an testimonya kan duwang witness.
Nabanggit suboot sainda kan dating lehislador na si Leviste an magpopondo sa nasabing human trafficking plot para i-frame up si Recto.
Enot na man na inisyuhan nin subpoena an duwa asin inenganyar an mga ini na irespeto ini asin ipaliwanag an saindang lado sa NBI.
