Nagsumite na si National Bureau of Investigation (NBI) director Jaime Santiago kan saiyang irrevocable resignation.
Sa surat na ipinasa ki Presidente Ferdinand Marcos sa paagi ni Executive Secretary Lucas Bersamin, sinabi kaini na tulos siyang mababa sa pwesto kun may mapangaranan nang kasalida niya.
Sinasabi man sa saiyang surat na dai na niya kayang tioson an pangraraot asin intriga laban sa saiya.
Pinasalamatan kaini an administrasyon ni Marcos asin inasegurar an saiyang padagos na suporta sa administrasyon kaini.
Kan inako niya an trabaho, inasegurar kaini na lilinigan niya an ahensya laban sa mga scalawag.
Nagpoon an pangraraot sa saiya kan magsumiter ini nin courtesy resignation kaibanan an nagkapirang opisyales kan gobyerno huli sa kasuguan ni Pres. Marcos.
Padagos an paghiro kan mga soboot nagraraot kan saiyang imahe, asin interesado sinda sa saiyang posisyon.
Si Santiago, sarong dating trial court judge, prosecutor asin opisyal kan pulis sa Manila, asin pigdesignar bilang NBI Chief kan Hunyo kan nakaaging taon.
 director Jaime Santiago has submitted his irrevocable resignation. In a letter sent to President Ferdinand Marcos through Executive Secretary Lucas Bersamin, he said he will step down immediately once a replacement is named.){kind=link}