LEGAZPI CITY- Puga-puga na an preparasyon kan delegasyon kan Bicol region sa paparaning Palarong Pambansa 2026 na gigibuhon sa Agusan del Sur.
Segun ki Department of Education Bicol Regional Sports Officer Francisco Dexter Sison sa intrevista kan Bombo Radyo Legazpi na an mga team sports an nagkokundusir nin mga training sa kanya kanya nindang mga dibisyon.
Napag-araman na an caucus sports man na nahilingan nin halangkaw na potensyal na makapag-uli nin medalya an presenteng pigtatawan giya kan mga national trainor.
Sinabi kan opisyal na nag-hire nin mga national trainors ngani na mas magluwas pa an potensyal kan mga atleta asin magin dalan sa paglangkaw kan medalya na mai-uuli kan mga atleta.
Kaibanan sa nasabing caucus sports an athletics, wushu, boxing asin wrestling.
Alagad nilinaw kan opisyal na dae nangangahulugan na pigpapabayaan an iba pang mga sports.
Katunayan, sinabi ni Sison na nakatalaan an concentration training kan gabos na mga atleta sa lambang regional office sa Mayo 10 hasta Mayo 18 ngani na masisapinal an gabos na preparasyo antes an Palarong Pambansa.
