LEGAZPI CITY- Magayon an turnout kan National Learning Recovery Program na pigpapaotob sa nagkapirang mga eskwelahan.
Segun sa National Recovery Camp Coordinator kan Bagumbayan Cental School sa Legazpi City na si Raquel Grageda Jacob, sinabi kaini na an nasabing programa an nagigin dalan ngani na magkaigwa nin maugmang paagi sa pag-aadal an mga estudyante.
Marurumduman na ipinaotob kan Department of Education an nasabing programa puon Hulyo 1 hasta Hulyo 19.
Sa intrevista kan Bombo Radyo Legazpi sa nasabing paratukdo, pighayag kaini na nagsasagibo sinda nin mga engaging activities ngani na ma-improve an literacy asin numeracy skills kan mga estudyante.
Excited suboot na maglaog an mga ini huli sa maugmang paagi kan pag-aadal.
Sinabi man ni Jacob na maugma man sinda na matabangan an mga kaakian na makapag cope up sa pag-aadal ngani na mas magin handa an mga ini sa masunod na school year.
Hagad man kaini na sa masunod na taon, mas mag-improve pa an enrollment ngani na mas dakol pang jovenes an makapag partisipar sa programa.
