Namaaram na an beteranang aktres na si Nora Aunor sa edad na 71.
Kinumpirmar ini kan saiyang pamilya ngunyan na Abril 16, 2025 kun saen ini namayapa sa The Medical City, Pasig City.
Dae pa sinabi kan saiyang kaparientes kun ano an kawsa kan saiyang pagkagadan.
Ipinangaki an aktres o Nora Cabaltera Villamayor sa tunay na buhay kan Mayo 21, 1953 sa Camarines Sur.
Nagpuon an saiyang career kan manggana sa Tawag ng Tanghalan kan 1967.
Nagtinda pa ini nin tubig sa istasyon kan tren sa Bicol hanggang sa nagin famuso na parakanta.
An aktres an tinaguriang superstar kan Philippine entertainment industry asin tinawang honra bilang National Artist for Film and Broadcast Arts.
