LEGAZPI CITY – Pighayag kan Albay Public Safety and Emergency Management Office – Provincial Disaster Risk Reduction and Management Office (APSEMO-PDRRMO) na may labi P33M pang natada an saindang calamity funds para sa quick response ngonian na taon.
Paglilinaw ni APSEMO-PDRRMO Officer in Charge Rick Mendoza sa intrevista kan Bombo Radyo Legazpi na matitipon an mga natadang pondo nganing magamit sa mga masunod na taon.
Alagad enkaso dae ini magamit hasta limang taon an nasa provincial government na suboot an desisyon kun sain ini aalokar asin gagamiton an mga natadang pondo.
Pigdugang niya man na padagos an saindang pagbabarewas nin tabang para sa mga naapektaran kan mga nakaaging bagyo.
Pigpunto pa kan opisyal na presenteng piggagamit an naunambitang pondo makalihis na nagtetenir na epektibo an state of national emergency na ipigdeklara ni Presidente Ferdinand Marcos Jr.
Piglalaoman man ni Mendoza na matatapos na sa masunod na taon an ipigtugdok na 911 operating center na makakatabang sa saindang komunikasyon sa lokal na gobierno kan 18 munisipyo sa oras nin kalamidad.
 announced that they have more than P33M left in their calamity funds for quick response this year.){kind=link}