Sa ibong kan mas hababang numero kan mga naputukan kan nakaaging holiday celebration kan 2025, iniladawan kan Department of Health (DOH) an mga lugad na sinapo kan mga biktima nin paputok kan nakaaging taon na mas malala kaysa kan 2024.
Segun ki DOH Spokesperson ASec. Albert Domingo, pwedesir ikonsiderar na mas kritikal an mga lugad na sinapo kan mga biktima nin paputok kan nakaaging taon.
Kun saen, pigklasipikar kan DOH an mga fireworks-related victims na nasabugan o napaso nin warang amputation o nasabugan o napaso nin may amputation .
Igwa man nin nairehistrong kaso an DOH nin mga eye injuries huli sa paputok asin an nagkapira naapektaran an baga kan mga paputok.
Kinumpirmar man ni ASec. Domingo na kadaklan sa mga biktima kan paputok an mga menor de edad, kabale an sarong 12 anyos na aki na binawian nin buhay makalihis na masabugan nin paputok sa Tondo, Manila kan Disyembre 28.
Ipigbareta man kan DOH official na igwa nang sarong kumpirmadong nagadan huli sa stray bullets asin igwa pang limang kaso na pigbeberipika sa ngonian.
Sa kabilugan, segun ki ASec. Domingo, naglampas na sa 500 an numero kan mga naputukan na may labi sa 300 na kaso na pigbeberipika sa ngonian, mas hababa ini kumpara sa labi sa 800 na nairehistro kan 2024.
 described the injuries sustained by fireworks victims last year as worse than those in 2024.){kind=link}