LEGAZPI CITY- Bukas an grupo nin mga paraoma sa pagtatangro nin P20 kada kilo nin bagas para sa mga nagtitios na namamanawaan.
Magayon suboot an obheto kan programa alagad maikokunsiderar na atras abane huli ta paramientras na naman na napundo huli sa election ban.
Segun ki Federation of Free Farmers National president Raul Montemayor sa intrevista kan Bombo Radyo Legazpi na dapat na haloy na kutang ipinaotob an nasabing programa kun kaya man sana palan na gibuhon ngani na napakinabagan na kuta kan mga namamanwaan.
Paliwanag kan opisyal na kung kaya man sana palan na magtagama nin pondo, dapat na haloy ng tinawan nin atensyon kan gobierno.
Alagad aminado si Montemayor na kinakaipuhan nin nasa P50 billion na subsidiya kada taon ngani na maipagpadagos an nasabing programa.
Kun dae makakapag alokar kan nasabing pondo, nagtutubod an grupo na dae man naipagpapadagos an pagpapabakal nin P20 kada kilo na bagas urog pa kun malulugi an gobierno.
