Nasa 66 katawo an binawian nin buhay sa Nepal makalihis an warang patod na mga pag-uran na nagkawsa nin mga pagbaha asin landslides.
Pigkakahadit man na maglangkaw pa an nasabing death toll huli ta nasa 69 na mga indibidwal pa an ipigdeklarar na nawawara.
Kadaklan sa mga nagadan an hali sa Kathmandu valley na igwang nasa apat na milyon na populasyon.
Huli sa nasabing mga pagbaha, nagsarado an nagkapirang mga tinampo asin naapektaran an domestic air travel.
Guminamit na man nin mga helicopters asin rubber boats an mga rescuers ngani na matabangan an mga namamanwaan na na-stranded sa saindang mga rooftops.
Padagos man na pighahali kan mga kapulisan an mga debris na nakaulang sa mga tinampo makalihis an nagkapirang mga insidente nin landslides.
