LEGAZPI CITY-Dai mababa sa 5000 na pamilya an planong i-ebakwar sa Guinobatan, Albay huli sa banta kan Tropical Storm Ramil sa lugar.
Segun ki Guinobatan Mayor Ann Gemma Onjoco sa intrevista kan Bombo Radyo Legazpi, nagpapadagos pa man giraray ngonian na aldaw an saindang pag-ebakwar kan mga residentes.
Dugang pa kan opisyal na wara man nin resistance an mga residente huli ta aram ninda an huma kada may nagaaging bagyo.
Handa naman suboot an saindang asistensya na ipapanao kan kan local government unit sa provincia.
Magigirumduman na nagkaigwa na nin areal survey sa parte kan Barangay Masarawag kun sain kinakaipuhan na i-ebakwar an mga residentes bago magbulos an lahar hali sa Bulkang Mayon na dara kan posibleng pag-uuran sa lugar.
Sinabi man ni Mayor Onjoco na dawa wara pa nin bagyo, nagkokondusir na sinda nin evacuation urog na sa mga lugar na prone sa pagbabaha asin kada may makusog na uran asin habagat.
Inaabisuhan man an gabos na nasa lugar na mag-ingat, dae mag-tenir sa luwas nin haloy na oras, asin mag-ebakwar bago maeksperyensyahan an makusog na uran na dara kan nasabing bagyo.
