LEGAZPI CITY-Pig-deploy an nasa 300 Sorsogon police personnel para sa dugang na seguridad hasta matapos an Peñafrancia Festival sa ciudad kan Naga.
Segun ki Sorsogon Police Provincial Office Spokesperson Police Lieutenant Colonel Arwin Destacamento, sa intrevista kan Bombo Radyo Legazpi na maghahaloy an pagtatalaga kan mga kapulisan sagkod sa matapos an kapiestahan sa Setyembre 21.
Igwang kanya-kanyang station an mga ini kun sain nakatutok sa pagruso kan mga deboto asin an iba naman naka-standby para sa dugang mga asistensya, orog na sa gabat kan trapiko asin sa pagparada kan mga behikulo.
Pigsasagibo an lakdang ngani masierto an seguridad durante kan pagselebrar kan Pista, asin magin salbado an mga kababayan.
Mientras tanto, dakulang angat sana sa mga kapulisan an pagabot sa dakol na mga deboto huli sa huma kaini sa public safety.
