Nasa 30 katawo an binawian nin buhay makalihis an nangyaring banggaan nin pampasaherong bus asin truck sa highway sa Minas Gerais sa southeastern Brazil.
Segun sa Minas Gerais fire department na nasa 13 katawo an idinalagan sa ospital harani sa ciudad kan Teofilo Otoni.
An pampasaherong bus an pigtataram na hali sa Sao Paulo asin may lunad na nasa 45 pasahero.
Padagos man an pigkokundusir na imbestigasyon ngani na madeterminar an kawsa kan aksidente.
Basado sa pahayag kan mga testigo sa insidente na nagputok an gulong kan bus na rason ngani na mawaran nin kontrol an driver hasta sa makabangga ini sa truck.
Mientras tanto, sinierto man kan mga otoridad na mapapaabutan nin tabang an pamilya kan mga biktima.
