Naglansar nin panibagong airstrike an Israel sa eskwelahan sa Deir-al Balah sa central Gaza.
Nagresulta ini sa pagkagadan kan nasa 30 katawo mantang labi sa 100 an nairido.
An nasabing eskwelahan an pigteteniran kan rinibong mga Palestinian.
Sinabi man kan Israeli military na ipiglansar an pagsakyada ngani na madistroso an Hamas command asin control center sa laog kan compound.
Napag-araman na kadaklan sa mga biktima an mga kababaihan asin mga kaakian.
An nasabing airstrike an ginibo kasunod kan evacuation order kan Israeli military sa ciudad kan Khan Younis kun sain naglansar man nin mga opensiba an Israel.
