LEGAZPI CITY – Ipinaliwanag kan National Police Commission an saindang nahiling kun ngata sinunadan nin kaso an mga police personnel na pigtuturong imbwelto sa mga missing sabungero na ibinulgar ni Julie Patindongan.
Segun ki National Police Commission Inspection, Monitoring, and Investigation Service Director Atty. Edman Pares sa intrevista kan Bombo Radyo Legazpi na nagpasiring sa saindang ofisina si patindongan nganing magsangat nin kaso laban sa nasabing mga personnel kairiba an mga pamilya kan mga sabungero.
Basado man sa saindang isinigabong iimbestigasyon an nakahiling sinda nin probable cause kun kaya sinunadan na man ninda an 12 na pulis officer na matinidong aktibo sa saindang serbisyo.
Paglilinaw niya man na kasong administratibo sana an saindang ikinaso asin pwedesir pa sindang makasuhan nin grave misconduct, grave neglect of duty, asin Conduct unbecoming of a police officer.
Pigtaram pa kan opisyal na kun enkaso mapatunayan na guilty an mga police officer an pwedesir ining matwan nin padusang suspension, demotion asin dissmisal from police service.
Wara na man sinda nin hurisdiksyon sa mga retiradong police alagad dae pa man ini salbado huli ta an Department of Justice an magsunad sainda nin criminal charges.
Piglalaoman ninda na mareresolba an kaso sa laog nin duwang bulan mantang nagpapadagos an saindang imbestigasyon sa mga nawawarang sabungero pati na man an nangyaring extra-judicial killings.
Pagsyerto man ni Pares na mantinidong nahihiling an transparency huli ta aram kan publiko an saindang lakdang nganing tulos sindang ma-impormar sa kun ano an saindang ginibo nganing resolbaron an kaso.
