LEGAZPI CITY — Positibo an nagkapirang Pilipino sa Amerika na masosolusyunan an pigkakahampang kaining problema sa ngonian dapit sa pag-shutdown kan gobierno makalihis na dae maipasar an US budget.
Sa intrevista kan Bombo Radyo Legazpi ki Jessie Moran, manager sa sarong restaurant sa Las Vegas asin nagtetenir sa Seattle, Washington, bako sana suboot an mga Pilipino an apektado kan pangyayari kundi maging an mga US citizen partikular na an mga nasa military.
En kaso man suboot na dagos na mag-shutdown an gobierno, posibleng dae naman mag-operate an national museum and parks na komong pigbibista kan mga Pinoy tuyong Domingo.
Pighihiling man ni Moran na saro sa factor kan pangyayari iyo an kamawotan na mapabagsak an partido ni US Pres. Donald Trump.
Alagad sierto suboot na magibo nin paagi an presidente ngani na masolusyunan ini urog na habo suboot kaining maraot an saiyang performance.
Taong 2013 kan mangyari man suboot an siring na insidente na nagdurar sana nin sarong bulan.
Pangapudan man kaini sa kapwa Pilipino sa US na maging positibo sana huli sa masosolusyunan an isyu urog na habo man suboot kan gobierno sa US na maapektaran an kadakol na Overseas Filipino Workers (OFWs) sa lugar.
